Muertekuch
- on.perfekt
- Jul 20, 2020
- 1 min read
Nodeems dir no eisem Testowend, zu souvill nom Aline senge Rezept vum Muertekuch gefrot hud! Hei ass et!
Et ass baal net ze gleewen dat do keen Zocker a kee Miel dran ass. Probéiert selwer emol.
Zutaten:
150 g Muerten, geraaspelt
150 ml Orangëjus
250 g gemuele Nëss (Wuelnëss, Cashewnëss,…)
60 g Botter
20 Dattelen
2 Éier
1 TL Bakpolver
1 TL Kanéil
Dattelen an eng mat Waasser gefëllte Schossel gi, an Dattelen fir 20 Minutten aweechen.
D’Bakform mat Botter ausreiwen oder mat Bakpabeier auskleeden.
Di ageweechten Dattelen mam Mixer zerklengeren an dono d’Éier, Botter an den Orangëjus dobäi ginn a verréieren.
No an no déi iwwreg Zouhaten dobäi ginn an zu enger glater Mass vermëschen.
Den Deeg an eng Form maachen a fir +/- 35 Minutten bei 180°C baken.
Een einfachen an séieren Muertekuch.
Mir wënschen e gudden Appetit
ech geng d’Rezept gär ausprobéieren, frod mech awer wat fir Dattelen ech huele soll? déi gezéckert? déi frësch wuel net, well se si schwéier ze fannen! Anerer kaschte 25€ de Kilo, do kéim een dann op 14 €!!!
wien huet eng Äntwert?
merci
Merci fir d'Rezept! 🥰 A menger Famill huet et jidderengem geschmacht.