Den éischten onperfekt-Buttek zu Lëtzebuerg

Du sichs ee Job mat Sënn?
 

Da bass de genau richteg bei eis. Mir sinn eng Coopérative déi sech asetzt géint
Liewensmëttelverschwendung. Mir hunn een zweeten Ofsaatzmaart gegrënnt fir dat Geméis an
Uebst dat ze kromm oder ze kleng ass fir um normale Marché verkaf ze ginn. Nieft dem Verkaf, der
Ënnerstëtzung an der Récolte an der Logistik gëtt et awer ee Punkt deen eis nach ganz wichteg ass,
an zwar Sensibilisatioun an Informatioun ronderëm dat Thema.
An do kenns du an d´Spill!
 

Deng Aufgabe sinn:
● Informatiouns- a Sensibiliséierungsaktiounen zesumme mat der Ekipp entwéckelen
● Workshope fir verschidde Kanner a Jugendlecher entwéckelen an halen
● Pädagogescht Informatiounsmaterial ausschaffen
● Animatioun vu Sensibiliséierungssessiounen direkt mat jonke Leit an de Lycéeën an
ausserschouleschen Strukturen
● Un Evenementer deelhuelen, de Stand an den Oflaaf selbststänneg organiséieren an eng
kleng Ekipp vun aktive Memberen geréieren
● Well mir eng ganz jonk Entreprise an eng kleng Ekipp sinn, ass et bei eis esou dat jiddereen och
mol muss aner Aufgaben iwwerhuelen, dat ka sinn an der Récolte hëllefen, am Buttek
verkafen oder Geméiskëschten paken oder och de Stock botzen.

Wat eis wichteg wier ass, dass du:
● lëtzebuergesch, franséisch, däitsch an englesch kanns,
● den Auto´s Führerschäin hues,
● eng oppen, kommunikativ a frendlech Persoun bass,
● dech an deng Aktivitéiten och selwer organiséieren kanns a selbststänneg schaffs,
● eis ass een harmonescht Aarbechtsklima wichteg a mir erwarden dass du dat respektéiers an
genau sou un dir schaffs fir dat ze erhalen wei mir et machen.
● Idealerweis Erfahrungen a Wëssen an engem oder méi vun deenen folgende Beräicher hunn:
Liewensmëttelverschwendung, Liewensmëttelproduktioun, Nohaltegkeet, pädagogesch
Arbecht mat Kanner a Jugendlechen, Formatioun vun Erwuessenen, Design Thinking,
● een Diplom am Zesummenhang mat deenen uewen driwwer genannten Themeberäicher
hues.

Wat mir bidden:
Ee flexibelt, harmonescht an och dacks lëschtegt Aarbechtsklima. Bei eis gëtt zwar vill gelaacht mee
och richteg vill geschafft an et ass och heiansdo kierperlech ustrengend. Mir wëllen gären een Ëmfeld schaffen wou een sech wuelfillt an sech net verstelle muss. Bei eis gëtt och Kritik geübt an ugeholl a mir sinn komplett averstan dass de mol ee Feeler mëss, well ween ass scho perfekt ;-)
 

Du kanns ganz flexibel een Deel vun denger Aarbecht am Homeoffice machen.
De Posten ass als CDD op 2 Joer (mat enger meiglecher Erweiderung vun engem Joer) a fir 26 bis
30h/ Woch ausgeluecht. An de Start ass iwwregens sou séier wei méiglech.🙂
 

Sou wanns du dech ugesprach fills, dann schéck eis däin CV an ee Bréif an deem´s du eis eppes iwwer dech erziels an eis sees firwats de wëlls bei eis kommen, bis den 10. Juni op
candidature@onperfekt.lu

Merci a villäicht bis geschwënn