Maach mat

Nodeems mir eisen on.perfekt-Projet elo ee Joer am gaange sinn ze entwéckelen an ze perfektionéieren, ënnert anerem duerch d'Organisatioun vun diversen Evenementer (Pop-Up Mäert, Sensibiliséierung a Schoulen, online Verkaf vu Geméistuuten, asw.) hunn mir dës Initiativ géint Liewensmëttelverschwendung formaliséiert duerch d'Grënnung vun enger Societéit, enger Cooperative. Eis kleng "Entreprise" soll eis soziaalt Engagement refletéieren an dowéinst hunn mir den Agrément SIS (Société d'Impact Sociétal) ugefrot an och accordéiert kritt.

 

Fir elo Neel mat Käpp kënnen ze maache wëlle mir net nëmme punktuell Evenementer ubidde mee eng permanent Epicerie mat Standuert am Norden/Zentrum grënnen. D'Grënnung vun eiser Epicerie ka just duerch eng Erhéijung vum Kapital realiséiert ginn an do kommt Dir an d'Spill!

Wann der dese Projet ennerstetze wellt da kaaft eng oder mei Parten an eiser Cooperative an/oder ënnerstëtzt eis duerch eng kleng Spend. Ausserdeem sinn all är Talenter gefrot fir eng Hand mat unzepaken.

 

Zesumme kënne mir Villes erreechen : Liewensmëttelverschwendung reduzéieren an diverse Formen (gudde lokale Produiten eng 2. Chance ginn déi soss géife fortgehait ginn wëll se net der Norm entspriechen), Partnerschafte mat eise lokale Baueren ausbauen, asw. Dat Ganzt fënnt statt tëscht Gläichgesënnter, an enger gudder Ambiance, a Villes un der frëscher Loft.

Während eiser Crowdfunding Campagne kennt der hei är Parten kaafen: 

 (erof scrollen a rechts op den Dankeschön "Mitgliedschaft" klicken) 

Ett ginn zwou Meiglechkeeten wei dir bei eis kennt Member ginn:

Einfach MEMBEREN:

-hunn d’Recht an der Assemblée Générale ze wielen (1 Stëmm/Member)

-kënnen an de Conseil d’Administration gewielt ginn

-kënnen hir Parten rembourséiert kréien no Accord vun der Assemblée Générale annuelle

-ginn invitéiert op Evenementer, déi speziell fir d’Memberen organiséiert ginn​

 

Aktiv MEMBEREN:

-hunn déi selwecht Rechter a Virdeeler wéi d’Memberen

-ginn 2 Stonnen am Mount vun hirer Zäit fir bei on.perfekt mateschaffen (z.b. um Feld, am Buttek oder wat soss ufällt) 

-kréien e “Starter Pack” (Kotténgs Geméissäckelchen an/oder Schaffhändschen)

-hunn d’Méiglechkeet fir den Aarbechtsgruppen beizetrieden

-kennen eng Kéier am Mount gratis akaafen am Buttek

Eis Statuten fann der hei

Screenshot 2022-01-17 220130.jpg